![]() |
Калядная ёлкаСтала традыцыйным у дзіцячай школе мастацкіх рамёстваў праводзіць ёлку для дзяцей на Каляды. Гэта свята, якім завяршалі стары год і пачыналі новы. У святочна ўпрыгожанай зале, дзяцей сустракала гаспадыня, убраная ёлка цацкамі, зробленымі рукамі вучняў школы з гліны, саломкі і іншых прыродных матэрыялаў. Радасць дзецям прынеслі галоўныя героі свята – Дзед Мароз, Снягурка, а таксама казачныя героі – Каралева Казак, Кот вучоны, Баба Яга. Дзеці з вялікім захапленнем вадзілі карагоды, спявалі песні, расказвалі вершы, разгадвалі загадкі, гулялі ў гульні. Кожны ўдзельнік свята атрымаў цукеркі ад Дзеда Мароза. Дзед Мароз разам са Снягуркай уручылі дыпломы і сувеніры вучням школы, якія прымалі актыўны ўдзел у конкурсах рознага ўзроўню. Завіталі на свята таксама калядоўшчыкі, якія віншавалі ўсіх прысутных са святамі, зычылі здароўя і багацця. Павадыр прыйшоў з “казою” і “мядзведзем”. Хочацца аддзячыць педагогаў і дзяцей, якія надалі святу асаблівы настрой, выклікалі эмацыянальны ўздым, павіншаваць калектыў школы, бацькоў. вучняў з Новым годам і святам Каляды, пажадаць творчых поспехаў, здароўя, сямейнага дабрабыту, мэтанакіраванасці і ўсяго самага найлепшага. |
![]() |
||